陳展鵬攬女粉絲面紅

陳展鵬昨日三十五歲生日,近百名來自上海、馬來西亞及新加坡的粉絲為他舉行生日會,當中一位上海女粉絲上台與他傾偈時,叮囑他去上海時要找她,更大膽要求「抱抱」,令展鵬有點尷尬及面紅。問到生日願望,他笑說:「開開心心啦!2012年又話世界末日,希望安然度過,有乜玩咗先啦!(想唔想搵番個女朋友?)都好想拍拖,有冇好介紹?(你好揀擇?)我唔係揀擇,只不過依家工作都用咗好多時間。(為工作犧牲愛情?)唔係犧牲,好多嘢天注定嘅!」他透露月底會接拍王心慰監製的新劇《Chok氣一族》(暫名),問到是否要Chok時,他笑言Chok不適合自己。

獲大批粉絲支持的展鵬捧着蛋糕,十分風騷。

一臉尷尬的展鵬大方與女粉絲「抱抱」。