林峯激凸現代舞
林峯、徐子珊和高海寧等前晚出席無綫與廣州電視台攜手製作、在廣州錄影的《龍騰賀歲萬家歡》賀年節目。林峯以Chok樣和Chok甫唱歌曲《Chok》兼勁舞，但竟有激凸效果，博得全場掌聲，令粉絲也瘋狂！但近日發福的他跳舞時險逼爆西裝！子珊知道被林峯激凸搶鏡後大叫：「蝕晒！我仲睇唔到。」她亦因要跳舞，怕動作太大走光，只敢露腰。
而高海寧因要與獎門人玩遊戲，故封咪穿運動衫。前晚適逢其25歲生日，因要連踩三場，要下月才有時間慶祝，她連日來只收到電話祝福，禮物則欠奉：「生日願望係賺夠錢買層樓，最想收到嘅生日禮物都係一層樓，但有人送都唔敢收，怕人哋話我畀人包。」此外，她昨日出席活動時，獲Fans送上生日蛋糕。
林峯表示因出席內地電視台賀歲節目，為表莊重而穿西裝演出。
高海寧收到粉絲送的生日蛋糕，子珊亦識做吻賀。
子珊跳舞時只稍露玉背和纖腰。