朱晨麗狀態佳 勇戰平胸族

《2012國際中華小姐競選》今晚在電視城舉行，昨日首次以泳裝示人的28位華姐，多屬平胸一族，身材未見突出！

今年的國際中華小姐普遍平胸，昨日首次以泳裝示人的28位中華小姐身材「平平」，大多都沒甚看頭。其中以大中華賽區的安慶(20)王安琪身材較為「凸」出，身高只得五呎一吋卻有33.5的上圍，視覺上非常豐滿，她笑說是盡得媽媽遺傳，問到會否因身材澎湃而感到不便？她說：「當然唔會，我堅持每日都跑步游水，所以身材好均勻，唔會怕累贅！」

(17)贏友誼落淚

至於(17)、(18)及(19)佳麗被視為賽前大熱，而率先奪得友誼小姐的(17)洪美珊更於後台激動落淚，問到會否因得獎而增加信心？她說：「唔會，只係想同啲佳麗一齊做場Good Show！」而身材平均的徐少強之女(19)徐穎堃腰間卻驚見瘀痕，她解釋：「我好論盡，成日會整傷，我會用化妝品遮。（怕唔怕喺台上跌倒？）希望唔會，不過我隻腳一向都有舊患，所以都會小心啲！（爸爸徐少強到場支持？）佢有打畀我叫我唔使緊張，但佢因為工作嚟唔到！（有爸爸呢個後台會有影響？）冇關係，亦唔影響我同其他佳麗嘅友誼。」

至於香港代表(26)朱晨麗狀態大勇，前晚出席綵排時問到她的信心？她說：「我會爭氣，不過都會享受比賽嘅過程。（徐穎堃有後台？）佢個人好Nice，我選港姐時冇背景都選到，相信TVB係公平同公正嘅！」