Baby揼600萬建Cafe王國

去年吸金近半億的名模Angelababy，跟緋聞男友黃曉明齊齊成為生意達人，繼去年底攻入旺角開設首間Cafe，食過翻尋味，近日再下一城與拍檔陳國輝合資六百萬港元，攻入銅鑼灣開分店，擴大Baby飲食王國版圖！

名模Baby近年受懂得投資的身家億萬緋聞男友黃曉明影響，亦滿腹生意大計。曉明僅去年已有逾二億元收入，並投資娛樂圈、紅酒莊及高爾夫球場等生意，賺到盆滿缽滿；Baby年前開設美甲店，去年底「食指大動」，與《全城熱戀熱辣辣》導演陳國輝等斥資四百萬港元，攻入旺角開設Baby Cafe，開業短短四個月，又再斥資六百萬港元，在銅鑼灣某商場過千呎地庫開分店。

陳國輝昨日坦言新店正在裝修，Baby早前已找來攝影師好友夏永康炮製新一輯造型，繼續做生招牌，問到是否因首間舖已回本所以添食，陳國輝笑說：「係幾好生意，不過講真仲未翻本！只係大家都想喺九龍開一間，香港區開一間，所以就有呢個計劃。（想開連鎖？）都想o架！一步一步嚟。（投資幾多？）上次四百萬，今次加埋都差唔多六百萬，同Baby合作好愉快，建立咗信任，會繼續開。」

星級食府誘粉絲

他透露與吳彥祖合資的壽司店Monster Sushi同場開分店，實行與Baby以星級食府名堂吸引粉絲。Baby經理人Kim被問到是否擴展飲食王國版圖？她說：「要睇定先，Baby覺得年輕人應該慢慢嚟，唔好衝動，睇定個市先逐步嚟。」