冇約林保怡嘲TVB後知後覺

由林保怡、陳豪及黃德斌主唱的《天與地》片尾歌《年少無知》最近打入勁歌金榜，但劇集播完才上榜，可見無綫後知後覺！保怡更破天荒成為冇合約卻上榜的藝人，他笑言前無古人，並寸爆「都要講聲多謝」，對於歌曲上榜是宣傳劇集之說，他說：「都播完！仲宣咩傳吖？」

由林保怡、陳豪及黃德斌主演的劇集《天與地》話題不斷，三人主唱的片尾曲《年少無知》大受歡迎，大人細路都識唱「如果，命運能選擇」，有網友戲言比林峯的《Chok》更應得金曲金獎！上月初《年》曲曾打入叱咤903第六位，早前亦在網上頒獎禮獲獎，但「娘家」TVB遲遲未有行動，直至最新一期的勁歌金榜才驚現《年》曲，更一上榜即打入1月6日的勁歌金榜第五位，不過劇集播完才上榜，已失宣傳效用，可見無綫後知後覺！

出席新公司祝捷會

向來只有合約的歌手才能打入勁歌金榜，但林保怡已離巢，他今次上榜可謂破天荒，勁歌監製麥鎮東承認違規，並指原意是幫劇集宣傳：「唔好咁敏感，三個星期前已安排好錄影，不過的確係遲咗！（違規？）係，所以首歌只會喺榜一星期。」

林保怡寸爆「都要講聲多謝。」並認為無綫肯為他破例可算前無古人，對於宣傳劇集之說，他說：「都播完！仲宣咩傳吖？個個都計到幾時完o架啦！」此外，保怡昨日獲新經理人公司「大國豐臣」舉行祝捷會，慶祝他最近連番得獎，高層何麗全送上跑車模型，保怡透露曾向無綫提出拍攝介紹歐洲名車特輯，但直到他離巢時無綫仍未開拍。問到會否參演《金枝慾孽II》？他說：「之前樂小姐（樂易玲）有搵我，我Hold咗期，但之後冇人跟進，所以唔會再理。」另外，林保怡昨日坦言沒有收看《勁歌頒獎禮》，亦從未聽過林峯的金曲《Chok》，但大讚對方努力及進步。

其實無綫已非第一次為《天》劇補鑊，監製戚其義及編審周旭明打造的金句及破格拍攝手法獲年輕一輩支持，雖然收視不高及遭內地封殺，但在群眾壓力下，早前無綫將全套29集重新放上myTV網讓觀眾重溫，做法罕見。