過來人蔡少芬晒幸福：佢識叫媽媽！
與諸葛紫岐同樣曾經歷「女人最痛」的蔡少芬（Ada），自去年自爆前年初小產後，已走出陰霾，昨日她在查小欣節目中透露近日帶同大半歲女兒張楚兒到橫店拍劇，大晒幸福！她說：「我都有請我阿姨幫手湊，我收工就自己湊番！（佢識行未？）未！但識企、識坐，識叫爸爸、媽媽，佢叫媽媽仲特別清楚！有次我出去冇同佢講Bye Bye，佢即刻好緊張咁叫『媽媽、媽媽』！」而Ada老公張晉近日同樣身在內地拍戲，不過一家三口應可趕及於農曆新年前返港度歲。
據知，Ada下月將接拍無綫重頭劇《金枝慾孽II》，她表示未知詳情。提到與鄧萃雯在節目巡禮中有咀嘴場面，問到是否有性取向的主題？她說：「好多嘢都係未知數，上次巡禮都冇我啦！」她還表示有睇《天與地》頭幾集，覺得題材破格，拍攝認真。
有女萬事足的蔡少芬，每次提起寶貝女都開心不已。