法拉代諸葛否認小產

盛傳懷孕的名模諸葛紫岐,日前有指她在美國旅遊期間不幸小產。諸葛的未來妯娌陳法拉昨日出席揭幕禮時,口快快代對方否認小產:「我初時聽到(小產報道)都有少少擔心,打畀男友問番件事,知佢哋喺夏威夷玩緊,冇特別事發生!(即係冇小產﹖)冇呀!(佢係咪佗龍B?)我唔知,私人嘢佢哋答。」

另外,關心妍昨日出席活動時,對唱片公司「老闆娘」諸葛紫岐傳小產一事表示關心,但坦言不知對方是否有孕,故不作評論,但會為諸葛祈禱。

徐淑敏(左起)、陳法拉及倪晨曦各具美態,人比花嬌。