Joey笑Eason善變
容祖兒（Joey）前晚在澳門舉行《Number 6演唱會澳門站》演唱會，座無虛席。造型性感的Joey，與舞蹈員大跳貼身蛇舞，意識大膽。由於當晚適逢在香港舉行的《第三十四屆十大中文金曲》，Joey表演期間相當關心賽果，完騷後她表示為奪四個大獎感開心，並能與觀眾分享喜悅。提到加上無綫頒獎禮的獎項後，預計其獎項比陳奕迅（Eason）多，她得戚地說：「係咪真o架？有少少開心啦！（你之前贏過佢？）梗係！唔係第一次！（點安慰佢？）唔好失望呀吓！（Eason同基仔出年唔參與頒獎禮？）Eason依家又話諗一諗先，唔好以為女人善變，男人都好善變，基仔我就搵日探究一下佢內心深處先得！（會唔會效法？）我未必會，我個人比較即興！」
（吳文聰澳門傳真圖片）
祖兒以透視裝上陣，並與舞蹈員大跳辣舞。
祖兒Deep V直達肚臍，相當惹火！