新戲揀演員 Jeana要求床戰Avis

「百果園咪神」陳靜(DaDa)、何佩瑜(Jeana)及連詩雅,昨日出席「《喜愛夜蒲2》粵港澳演員選秀」活動,對於周秀娜男友Avis到場面試,Jeana說:「都唔知佢嚟,會加分,我游說導演畀佢同我做對手戲。(床戲?)唔一定床,衣櫃、梳化都得。」Avis則表示已向周秀娜備案:「佢知我嚟,但我冇同佢講現場好多靚女。(擔心女友知你拍親熱戲?)我擔心邊個做對手多啲。(Jeana?)工作啫!熟嘅易溝通。」而被爆遭騙財的DaDa說:「件事發生咗半年,因為有太多人都被呢個女仔呃,所以想提醒各界。(報警?)我想個女仔現身交代件事,佢人間蒸發,我怕佢出事,退唔退錢唔重要,佢可能一時動歪念。」

Jeana盼與娜姐男友做對手戲。

DaDa、Jeana、連詩雅和Avis等,昨日出席新片演員選秀活動。