攞錯獎當教材

09年,Jade在《十大勁歌金曲頒獎典禮》上的「攞錯獎事件」慘成「史上最瘀」,幸好她性格樂觀,將瘀事化為正面訊息勉勵年輕人,她說:「件事的確係幾火羅!我依家出席講座,都唔介意同年輕人分享,我會同佢哋講:『喺咁多電視觀眾面前攞錯獎,點都唔夠我瘀啦!』當係一個教材。依家嘅年輕人做咗瘀事會覺得好冇面,唔敢面對,但我覺得瘀咪瘀囉!最緊要識得企番起身面對!」