姚予晴明寸舊愛Sunny「冇腳」
名模姚予晴（Mikki）與舊愛曾朗鳴（Sunny）分手後前晚首度同場，但未有合照。Sunny大方表示會支持Mikki，但坦言復合機會甚微。問到他是否冇腳雀仔，不肯安定下來？他說：「唔係，我係白鴿，會飛返屋企。」對於Sunny否認是冇腳雀仔，Mikki明寸他說：「係咩？乜佢有腳？我唔知。」而同場的Ball后薛芷倫（Fanny）谷胸上陣，她笑言谷胸谷到抖不到氣。至於外貌成為焦點，她說：「我之前大病，病完好番，好似電腦軟件硬件壞咗，再好番都會唔同咗樣，更何況燈光同化妝都有影響，只係觀點與角度。」
姚予晴與舊愛Sunny同場出席活動卻未有合照。
薛芷倫表示可接受激光及Facial等醫學美容。