黃宗澤爆與杏兒閨房樂

黃宗澤直言注重護髮，並大爆與女友胡杏兒的「閨房事」，問到會否為對方洗頭添情趣？他尷尬地說：「咁好論盡，搞到周地泡！」

昨日潮着西裝褸的黃宗澤（Bosco），出席美髮用品《VS Sasson Pop-Up Salon閃耀登陸皇室堡》活動，獲讚髮型與男模一樣有型。

他自言注重護髮，幸好暫時未有脫髮問題，希望年紀大後可跟四哥（謝賢）及修哥（胡楓）一樣頭髮濃密。問到若脫髮會如何處理？他說：「盡量搵醫生補救先啦！如果真係冇得救，剃光都OK，幾潮呀！（想拍洗頭水廣告？）想呀！可以『動L』吓，所以依家都要Keep住護髮。」

狂用護髮素

問到視后女友胡杏兒髮質如何？他即大爆對方「視髮如命」：「佢用護髮素嘅量係我三倍，買好多o架！（搵你做苦力去買？）唔會喎！多數係佢幫我買埋。（教佢護髮？）男女唔同嘅，女仔成日電髮。（杏兒轉髮型會問你意見？）佢通常剪完先問我靚唔靚，咁點答啫！」提到兩人如此Sweet，會否幫對方洗頭？他即尷尬笑說：「咁嚴重？咁好論盡，搞到周地泡！（擦背？）唔講呢啲喇！」