徐少強女兒．馬國法拉夾擊朱晨麗

「翻版陳法拉」朱晨麗將代表香港參戰國際中華小姐，被寄予厚望，但對手實力亦不能小覷！徐少強與舊愛雪梨寶貝女(19)徐穎堃及(5)「馬國陳法拉」林家冰隨時殺出程咬金，朱晨麗縱有主場之利，亦未必穩贏！

代表香港出戰華姐的(26)朱晨麗天生一張「法拉臉」，去年勇奪港姐冠軍後，既為台慶揭幕，又獲安排拍戲拍劇，星途發展理想。由於對上一個港產華姐冠軍已是00年的郭羨妮，難怪外界對朱晨麗寄望甚殷，望藉主場之利，在下周日（15日）舉行的《國際中華小姐競選》為港爭光。她將面對強勁對手，原來徐少強與舊愛雪梨所生女兒(19)徐穎堃已潛行參選，代表溫哥華出賽，再加上另一翻版法拉、來自馬來西亞吉隆坡的(5)林家冰，令今屆華姐更添紛亂，形成三頭車馬局面。

昨日28位候選華姐與傳媒會面，米雪姨甥女、徐少強與雪梨掌上明珠徐穎堃，不但遺傳父親的「大俠鼻」，五官亦跟年輕時的雪梨甚相似，而她有鋪選美癮，於溫哥華經常參加大大小小的選美活動，而近日與陳嘉桓傳緋聞的兄長徐偉棟更於微博恭喜妹妹去年成為溫哥華華姐三料冠軍。

貼女兒入硬三甲

雖然有星級親人作後台，但徐穎堃昨日沒提及家族背景，反而其「鬼影變幻球」更叫人注視，示範鑽飾時平板的身材，轉頭又胸前偉大，輕易搶鏡。身在內地拍劇的徐少強說：「好有信心，佢贏輸都唔緊要，最緊要贏經驗，不過佢都參加過好多選美，夠經驗喇！見慣大場面！」他不反對女兒入行：「好有信心佢入三甲，我係民主嘅人，如果佢肯入行，無綫一定簽！三、四年前都叫佢選港姐，但佢男友唔畀，依家佢飛咗個男友啦！我叫佢飛嘅！」問到會否叫有機會擔任司儀的「世叔伯」曾志偉輕手點，他說：「佢識做，哈哈！」

帶佳麗暢遊廁所

至於朱晨麗面對另一勁敵，必數同樣擁有「法拉基因」的林家冰，二人合照時恍如Twins，朱晨麗大讚初次見面的林家冰似法拉：「第一次見晒所有佳麗，有啲佳麗係第一次嚟香港，所以我有做導遊帶佢哋參觀，仲帶佢哋去TVB個廁所添！」林家冰直言貌似法拉與否見仁見智，問到知否朱晨麗亦有「翻版法拉」稱號，她竟說：「我知，但覺得唔似！」火藥味十足！