楊汀叮遊台樂極生悲

Angelababy師妹楊汀叮鍾情美食，早前到台灣旅行時，曾抽空到台灣天王周杰倫及魔術師劉謙新開的餐廳「朝聖」！因大吃大喝，最終增磅而回，難怪汀叮笑言「樂極生悲」。

楊汀叮是名副其實的台灣癡，每年均會相約好友到台灣吃喝玩樂。她早前又往台灣，還逗留了四天，她透露原本滿腹大計，包括到平溪放天燈、到九份及陽明山看風景，可惜因天公不作美不停下雨，「無所事事」的汀叮只好狂吃解悶，最終導致增磅：「由於實在太冇嘢做，除咗行街Shopping，我就只可以歎咖啡同食嘢，就係咁日日都食足五餐。」她還到周杰倫與劉謙合資開的西餐廳「朝聖」，更大讚景靚食物正：「嗰度好靚、樓底好高，除咗以魔術做主題好特別外，現場仲有Live Band。（價錢貴？）只係百零蚊一個人，好抵。而且間餐廳仲有蝙蝠車同電單車任啲食客影相留念，好特別。」

欣賞演唱會

除了大吃大喝，汀叮此行還欣賞了兩位當地歌星舉行的演唱會，算是增廣見聞：「台灣人睇演唱會好斯文，佢哋就算幾投入，都唔會亂咁嘈同揮動螢光牌，會等到首歌唱完晒先歡呼，好用心去欣賞，氣氛好好。」