小肥恨拍拖尋找靈感
歌手小肥近日推出新碟，當中的《還未睡》以失戀為主題，他表示此曲內容有天空、有微風，感覺很清新、乾淨，並不是很慘情的歌，問他是否有類似經歷？他說：「我入行呢五、六年都冇拍拖，期間有一個女仔做過主動，可惜佢唔係我杯茶啦！（咁有冇你杯茶出現？）有，不過因為我好被動，唔積極，所以一直暗戀到佢有男朋友。」
問到這樣可會寂寞？小肥表示因大時大節多數有工作，所以填補了不少空虛，而他自感朋友緣也不錯，所以有很多朋友支持，他認為拍拖對歌手是好事，因為這些人生經歷對於創作靈感有很大幫助，而做演員也是一樣道理。
