梁佑嘉打造全新形象
負面新聞浪接浪的歌手梁佑嘉,雖然遇到人生一個低潮,但樂觀的她坦然面對,重新振作,並計劃於新一年打造一個全新的自己。
歌手梁佑嘉(Abella)早前負面新聞纏身,面對外界不斷的攻擊,她慨嘆接二連三的新聞實在太突然,完全未有心理準備怎樣面對,剛巧嫲嫲過身,種種不愉快的事同時發生,令她心情非常低落︰「自己嗰時好煩,唔單止因為負面報道,加上嫲嫲離開,唔多唔少都有啲唔開心,有人問我驚唔驚,我好少講屋企嘅事,真係冇諗過畀人大篇幅報道。」
感激公司支持
幸好Abella未有被打倒,她感謝身邊家人和朋友的支持,以及公司對她的信任,她說︰「好感謝公司支持我,我都係平常心面對,未有在意過,況且我好快就會唔記得。」
走出負面新聞的陰霾,Abella直言要繼續為事業拚搏,談到新一年的目標,她希望蛻變,並嘗試拍劇︰「我好鍾意睇劇,所以想試吓,因為冇呢方面經驗,唔會走去諗做咩好特別嘅角色,因為知道未Handle到,希望可以一步步嚟啦!不過都要等有機會先。」但她坦言不會放棄喜愛的歌唱事業︰「我會繼續唱歌,仲想轉一轉歌路,試吓勁歌熱舞。」
造型︰Betty Lo
化妝︰Krisie Wong
場地︰DNA
Abella希望新一年變得更全面,能作多方面發展。
Abella坦言早前的打擊,曾經令她情緒低落。
梁佑嘉感謝家人和朋友的支持,以及公司對她的信任。