周麗淇喪跑捉賊暈暈哋

日前周麗淇打扮得靚靚拍攝追賊戲,劇中飾演女警的她本來約了男友王浩信食飯,剛巧遇到賊,即奮不顧身追捕,跑足全日,她笑言有點缺氧感覺!

周麗淇(Niki)與王浩信早前在中環拍攝無綫劇集《女警愛作戰》外景,劇情講述飾演女警的Niki本來休班,扮得靚靚約會男友王浩信,卻遇上賊仔,她即奮不顧身追捕,更要穿上高踭鞋拍攝!雖然當中部分跳欄場面有替身代拍,但Niki仍要跑足全日,跑到連裙都飛起!

與天華鬥氣有火花

Niki笑說:「今朝拍咗場喊戲,依家跑足一日,導演已經好好,有啲場口畀我着平底鞋嚟拍,頭先對住王浩信講對白,真係有啲暈同缺氧!」問到其後會否有更多動作場面?她透露會有跳樓、爆破及槍戰戲份。劇中Niki與謝天華飾演鬥氣冤家,雖然二人首次合作,但她表示與天華很有默契,擦出火花。對於有指「舊愛」鄭嘉穎與佘詩曼復合,她聞言只說:「點解問我呢?」

王浩信畀老婆詐型

至於王浩信與太太陳自瑤(YoYo)早前由峇里度蜜月返港,由於他忙於開工,被大肚YoYo詐型沒有時間相伴:「依家我都冇晒朋友,一放工就返屋企,佢依家差唔多四個月,食得、瞓得都好健康。(BB係仔定女?)唔係好肯定,夾住咗睇唔到!不過仔女都冇所謂,依家我媽咪同佢媽咪都有照顧佢,嚟緊都會請工人幫手。(自然分娩定開刀?)我哋希望自然分娩!(入產房剪臍帶?)呢啲都係留畀專業人士,不過我會喺旁邊用DV拍攝過程。」

影視組

周麗淇穿着高踭鞋擒欄杆追賊,認真落力!

周麗淇起勢跑,跑足全日,難怪搞到索晒氣!

導演安排替身(左)給周麗淇,「真假周麗淇」同場相映成趣!

王浩信忙於與周麗淇拍劇,搞到沒有時間陪老婆!