前亞姐姚嘉雯（前名姚佳雯）早前拍攝旅遊節目時得到堪輿學家指點改名，她說：「自己嘅性格向來都好火爆、衝動，師傅話改名後對我運程有幫助，個人會變得溫馴啲，唔會咁易得罪人，溫柔啲都好嘅，太硬朗啲男仔都頂我唔順啦！」
近期忙於為亞視拍攝旅遊特輯的她，剛剛到台灣綠島拍攝，品嘗風味溫泉菜式：「大家對綠島嘅印象都只係監獄，依家綠島發展緊旅遊業，其實風景好靚。」嘉雯指拍攝該旅遊節目壓力頗大，事前要做足功課搜集資料，也是好好的磨練。
姚嘉雯最近到台灣綠島，品嘗溫泉蛋。
