林淑敏標靶療程康復理想

去年成功抗癌的無綫藝員林淑敏（Mandy），對生命有了新啟發，以前每天工作忙個不停的她，經過這場大病後懂得放慢生活：「病之前好多計劃，Keep住自己好忙，每日瞓四、五個鐘，以為自己要好努力令自己擁有更多，可能會目標達到，搵到自己夠用嘅錢，但就失去健康，依家學識放鬆，同埋會放多啲時間去搵屋企人同朋友，個心自然會好滿足。」

現時定期到醫院接受標靶療程的Mandy透露，目前的康復進度理想，近日她已重返無綫工作，首個任務是主持節目《都市閒情》，問到可會不適應，Mandy說：「所有同事都對我好好，但又唔會當我係一個病人咁遷就我，咁樣我反而覺得開心啲，因為我唔需要人哋同情，當我係普通人就最好不過。」

Mandy目前定期到醫院接受標靶療程，一點都不覺辛苦。