JC師妹洪子崎天橋打到荷里活
「警鐘胸」名模Jessica C.師妹洪子崎有天使面孔、魔鬼身材,除了想成為獨當一面的模特兒外,亦想倣效Maggie Q「打」入荷里活!
中英混血兒洪子崎(Angelina Anderson)在香港出世,童年時已移民澳洲,偶爾返港探親,去年返港被模特兒公司睇中,從此走上模特兒之路。她讀時裝設計出身,做模特兒可謂天作之合:「我好鍾意衫,入呢行啱晒!我鍾意設計晚裝,顯示女性最靚嘅線條。」原來她的父母亦是香港著名設計師,曾替不少香港藝人及前港督做衫,他們都十分支持女兒入行!
運動健將想學詠春
自小跳跳紮的Angelina充滿運動細胞,無運動不歡,在澳洲讀書時精於籃球及足球,又受父親影響愛上射擊,學過拳擊的她希望可走打女路線,學華裔女星Maggie Q打入荷里活!由Maggie Q主演的美國電視劇《尼基塔》,她集集都有追看,亦有意學中國功夫詠春:「我知道詠春好難學,最好遲啲有個要打功夫嘅角色,咁我就有個動力去學!」她留港時甚少玩球類活動,但會盡量抽空每天健身,保持完美體態。
樣子甜美的中英混血兒洪子崎,深得廣告商喜愛!
JC憑「警鐘胸」成功彈出,希望可帶旺師妹!(資料圖片)