周筆暢呻冇時間拍拖

內地歌手周筆暢日前來港,到電台宣傳新碟,她說:「其實我性格好兩極,可能有時畀人覺得我好Cool,但依家都會好享受同人溝通,所以為咗表達呢樣嘢,就叫隻碟做《黑擇明》,「黑」同「明」,而《黑蘋果》呢隻歌就係講我心聲。」

提到感情,她尷尬地說:「都冇時間見朋友,每日休息時間都冇八個鐘,真係冇時間去諗拍拖,依家已經兩個月冇放過假。(會唔會寂寞?)其實咁多工作都唔會寂寞,如果有兩日畀我放假就已經好好。」問她可會更多來香港與Fans見面?她說:「都好想做簽唱會,因為隻碟訂貨量都接近一萬。」

周筆暢笑言每日連休息也不足,故沒有時間拍拖。