林欣彤闖紅館靠「有心人」

樂壇新人王林欣彤一家四口現居於500呎單位，不夠寬敞，但她距離買樓之日已是指日可待，皆因去年她的工作量驚人，如接拍兩部電影、處女碟大賣、開個人音樂會及商場騷等，今年更大有可能開紅館個唱，在新人而言實在是非常厲害！

林欣彤（Mag）現與家人居於大埔，樓下有公園、空氣好、環境好，可惜單位只有500呎左右，所以Mag曾公開表示想買較大單位等家人有個更舒適居住環境，問到現在收入如何？她說：「其實都唔穩定，都冇計月入有幾多，呢啲嘢好虛嘅！（你話過夠畀首期？）夠都唔係要即刻買，因為都要生活！」

問她理想新居要有甚麼條件？她說：「我慣咗寧靜、空氣好，所以希望將來樓下都有個公園，可以帶隻狗散步！（你平時同狗散步有冇畀人認出？）有呀！」不過她強調，比起知名度，更希望有「有心人」就算不認識她，也去聽她唱歌。

緋聞駕輕就熟

對於英皇高層吳雨曾揚言今年要幫她搞紅館演唱會，Mag表示對此既興奮、又緊張，她說：「都好大壓力呀！因為如果唱得唔好，不如唔好唱，所以要唱嘅話，一定要好有準備，同好夠休息。」

她坦言未適應娛圈如此忙碌的生活，不過對於緋聞，她則駕輕就熟：「都慣咗每次都畀人問，所以我同佢哋（緋聞男友胡鴻鈞、羅孝勇、陳家樂）都唔會尷尬，唔會避忌！」她笑言現在沒有喜歡的對象，但也想拍拖。