朱玲玲讚晶晶100分新抱

晶剛前日默認婚訊，快將榮升奶奶的朱玲玲昨日出席慧妍雅集30周年記者會，被問及此事時笑容滿面，並叫記者問當事人。她表示兒子若結婚會詢問她的意見，希望外界不要催逼。對「新抱仔」郭晶晶的印象，朱玲玲讚不絕口：「畀佢100分！佢好成功，有咁多金牌已經證明佢冇浪費童年。佢又好斯文，大家一齊咁多年，夾先會一齊。（係咪會擺幾日酒？）我唔知，你哋仲清楚過我！（做奶奶開唔開心？）做得媽咪嘅，做奶奶都會開心。（想抱幾多個孫？）冇諗過，我都鍾意小朋友，唔好畀壓力佢哋。」她透露會送首飾給「新抱仔」，又指雙方已見家長。對於霍家爭產，她希望兒子不要太大壓力。

曹敏莉（左起）、張嘉兒、楊婉儀與陳法蓉撐慧妍雅集。

朱玲玲激讚晶晶，打算送首飾氹「新抱仔」。