志偉開P玩到癲
曾志偉在除夕夜聯同大班圈中好友包括阮兆祥、趙學而、文頌嫻和姚樂怡等,於個人開設的餐廳聯歡慶祝元旦,謝天華、高海寧和茍芸慧等做完倒數活動亦趕至。志偉於倒數前約晚上11時半便走出餐廳,不斷打電話給朋友祝賀,勁High的他向記者說:「新年快樂!」及後返入會場致辭及主持抽獎,有女友Crystal陪伴左右的阮兆祥最有運,他抽中現金獎9,999元。祥仔稱過去幾年都要做倒數活動,今年特別推Job抽時間陪女友:「遲啲農曆年又忙《福祿壽演唱會》,所以倒數完就抖吓,陪吓女友又有時間去Party,即刻好運抽到Lucky Money!」