輸獎未輸心情Eason讚方大同有Heart

向來被封「獎王」的陳奕迅(Eason)前晚在叱咤頒獎禮以兩獎之差敗在方大同,但依舊力保七連霸「我最喜愛的男歌手」兼八奪男歌手金獎。沒想到慶功宴上Eason自爆因太疲累怕影響演唱,曾想臨時缺席,嚇得工作人員急如熱鍋上螞蟻,經熱身後狀態回勇又覺得不應輕易放棄。

談及方大同奪五獎成為大贏家,Eason惺惺相惜讚大同對音樂有Heart,輸了沒有失落反而想起很久不見的謝霆鋒。有指霆鋒回歸香港樂壇?Eason即抵死說:「我唔係恨聽佢唱歌,係恨見佢啫!(傳霆鋒同栢芝復合?)我冇意見!(想唔想?)唔係好關心。」至於撼低Eason的大同表示開心由Eason和盧廣仲頒獎給他,而緋聞女友薛凱琪在他獲獎時笑得開心?大同則笑說:「係咩!」

方大同(7分)
官仔骨骨Look,但波浪鬈髮型好特別,有20年代荷里活男生Feel,煲呔西裝好適合佢身形。

陳奕迅(4分)
太Casual,佢着衫一直有玩味,但今次冇跟大會浮誇主題,好似落街咁,兩邊髮染咗灰白色,望落去稀疏又老咗。