杏兒勾男人 懶理黃宗澤
胡杏兒和李詩韻昨日以卡通人物造型宣傳劇集《換樂無窮》，該劇於新年檔期播放被指較蝕底，杏兒坦言沒有所謂，問到是否因她收視有保證？她謙稱不敢說。劇中她要騷事業線勾引老公，問到曾否勾引男友黃宗澤？她笑說：「冇喎！現實生活中唔使做呢啲。（佢勾引你？）冇，唔使咁！」
對於吳鎮宇為她一雪前恥，指當年《衝上雲霄》中戲差的不是她，杏兒說：「唔知點解有呢個新聞，突然間講咗係我咁，拍緊時做得唔好，鎮宇都有話我，但唔係惡意嗰種，我都好樂意畀佢話添！依家搞清楚更加好，如果佢之後返嚟拍劇都好，可以跟佢學嘢！」
而李詩韻笑言該劇是她從演以來，「咀」得最多的一次。提到拍劇時咀過舊愛鄧健泓，她指感覺不像錫陌生人般。劇中飾演「千億新抱」的她坦言，不望嫁入豪門，因會失去自己，更笑言其背部的癦脫完但再生，注定辛苦命。
杏兒和李思捷抱起小朋友即不願放手，愛心爆棚。
杏兒（右起）、李詩韻和王浩信分別以公主和王子造型谷劇。