阿佘足本劇myTV任睇
佘詩曼主演的《天與地》甫播畢，無綫破天荒將全劇上載myTV，但有傳劇中關於和諧的對白被網友截圖瘋傳，已被內地河蟹。她昨日由內地返港出席活動時說：「個劇嘅觀眾係上網一代，會鍾意呢個安排。知內地禁播，有啲愕然同可惜。（『和諧』對白遭河蟹？）唔知，拍時飛紙仔，心情擺晒喺對白同演出，冇諗咁多。（YouTube外洩結局要壓低收視？）唔多唔少受影響，我都奇怪，呢啲應該係TVB高度機密。（個劇早啲播可贏視后？）唔重要，個劇有口碑，成城中熱話已好成功。（緋聞男友鄭嘉穎再戰樂壇？）佢好鍾意唱歌，（唱畀你聽？）佢唱歌要收錢o架！」而無綫新任行政主席梁乃鵬昨日在電視城時說：「睇《天與地》睇唔到政治隱喻，個劇好創新，未必好多觀眾接受。（唔拍可能遭禁題材？）了解真正原因先！」無綫外事部副總監曾醒明則說：「觀眾反映想重溫《天》劇，係特別處理，為期一個月。」
阿佘知道劇集《天與地》遭內地禁播。