Stephy小方 賺千萬人仔話咁易
不少港星近年轉攻內地拍劇吸金，鄧麗欣（Stephy）早前以1千萬人民幣身價加盟北京海潤，她昨日受訪時坦言，可賺人仔很開心：「自從喺內地發展，收入確實係多咗。我對內地發展前景亦好有信心，公司已經幫我接咗兩套劇。」方力申去年亦在內地密密拍劇及拍戲，賺逾千萬：「呢啲辛苦同血汗錢，依家剛剛起步，今年繼續努力。」
而近年在內地人氣急升的劉愷威，有傳片酬暴升至20萬一集，單計去年他接拍5部電視劇，收入已達3千萬人民幣。他對收入感滿意，透露今年接了4套劇，檔期排到9月。李逸朗亦在內地打開一定知名度，除獲邀擔任唱片監製外，去年演出內地劇《江南傳奇十五貫》和《浪漫滿廚》，連同內地宣傳活動，收入穩袋440萬。