李彩華氹阿媽 掃千二萬豪宅

李彩華（Rain）近年密密北上掘金，豬籠入水！她最近升呢千萬富婆，豪擲千二萬購下銅鑼灣連道千二呎豪宅贈母親。日前兩母女視察新居，李媽媽全程四萬咁口，難怪Rain表示努力多年，終向母親有所交代！

現年28歲的Rain出名孝順，16歲入行時更為父親孭債逾百萬，其後她還清債務，近年返內地發展即憑內地劇《回家的誘惑》爆紅，身價三級跳，由原本數萬元一集，躍升至每集20萬。她去年接拍三部內地劇外，又拍了十多個廣告，連同登台及剪綵等吸金三千多萬，升呢千萬富婆。

向來愛錫家人的Rain，繼早年在銅鑼灣開設一間二手店予父母經營外，為給予家人一個安樂窩，最近更豪擲一千二百萬元，購下銅鑼灣連道嘉蘭閣一個千二呎連平台豪宅單位送贈母親。Rain日前帶同媽咪巡視新居，當日中午12時許，她到銅鑼灣的髮型屋整理頭髮後，便與母親會合，沿途有傾有講。抵達新居，Rain逐一帶母親視察間隔，在大廳中手指指傾完一輪，似商量擺放傢俬的位置。期間Rain推開大窗，與母親研究四周環境後才雙雙離開。

「睇咗一次就買」

現身在內地開工的Rain在電話中說：「呢啲特色單位好少放盤，所以睇咗一次就買。（聽聞你買嚟畀你阿媽住？）係呀！我咁辛苦做嘢，都係想佢享福。」回想當年為父還債，家徒四壁，她感慨地說：「曾經諗過唔做呢行，因為好似唔見有成績，好彩當日冇放棄過自己，終於對阿媽有交代，所以我每日都好感恩！」