密友多條仔 關智斌：我就最唔抵
關智斌（Kenny）與張敬軒過從甚密，被封為「緋聞密友」，軒仔形容緋聞是一個「開心誤會」。Kenny亦笑說：「由頭到尾都話咗我哋係好朋友啦！依家去到呢個地步，覺得有少少匪夷所思，又話我哋同居，我自己住㗎！每個月有交租。」他亦樂於接受廣告商出錢邀他們同台。
對於軒仔拒絕「搵」女友擋斷背緋聞，Kenny認同地說：「咁肉酸！特登搵個女仔嚟擋，我哋唔會做新聞㗎！」對於緋聞關係加了新成員許廷鏗，Kenny即搞笑地「詐型」：「我最唔抵啦！淨係傳佢！其實我哋咁好朋友，都係因為同年出道，識於微時啫！感覺好似中學同學咁囉！」