楊千嬅懷龍種報喜

恭喜楊千嬅與丁子高！踏入2012年，娛樂圈喜訊爭住報！先有本報率先披露謝霆鋒跟張栢芝大有機會復合，昨日到千嬅正式公布懷「龍種」，新一年認真旺「丁」！

盛傳有喜的千嬅昨日透過經理人公司報喜，千嬅與丈夫丁子高在聲明中興奮地表示：「我們很快就要做爸爸媽媽了！新一年我除了要做一個好媽媽之外，亦會把我的工作做得更好！」同時亦感激各界對她的關心、祝福及廣告商的包容。

正在放大假的千嬅預計下月復工宣傳電影，而巡迴個唱則順延。此外，她昨日下午於微博上載「一家三口」大合照。據知千嬅已懷胎3個多月，「龍種」將於夏天誕生，將與她齊齊迎接龍B的陳慧琳（Kelly）亦送上祝福：「希望佢順順利利生個精靈BB，有咩隨時搵我，到時可以同『小龍包』做同學！」Kelly又叮囑千嬅多飲高鈣奶及食魚，令BB更健康。

樂仔借骨肉拍戲

好友余文樂則表示，相信千嬅會成為好媽媽，又笑言若再跟她拍戲，他可「借」骨肉合演。而即將開騷的梁漢文表示，個多月前曾邀千嬅任個唱嘉賓：「當時佢仲話『過咗30歲唔係咁易（懷孕）o架！』，咁睇嚟都唔係好難啫！」