李彩華拍拖夜蒲咀到甜

近年主攻內地拍劇掘金的李彩華（Rain），前晚趁大除夕與金融才俊男友潘啟翀（Derek）在港狂歡，二人到蘭桂坊連玩兩場，離開時十指緊扣，Derek發現記者時即怕醜彈開，Rain則尷尬地說：「唔好影啦，新年快樂！（好事近？男友求婚未？）未有咁快！（新一年忙乜嘢？）都係返內地拍劇。（身價升咗6、7倍，有20萬一集？）差唔多啦！」此外，Rain將與Derek面貼面咀棉花糖的合照上載到Facebook，十分恩愛！

而她昨日出席活動時被問到會否買樓？她說：「會喺香港買，睇中咗個值八位數嘅畀媽咪住。（生龍B？）應該唔會，過兩、三年先啦！」