Evelyn新年第一波撞正舊愛

各路o靚模將於本月初參與本港時裝界盛事，其中有份行騷的Evelyn將與任表演嘉賓的舊愛Tom同場，但她強調兩人再見亦是朋友，碰面不會尷尬！

新年伊始，一班o靚模陳嘉寶（Anjaylia）、蔡穎恩（Evelyn）、盧頌之、陳靜（DaDa）及「混血E神」林宜芝（Monna）等已準備好2012年首個大搞作，將參與本月7日在亞洲國際博覽館舉行、有港版TGC之稱的時裝騷《女生天下》，活動還邀得日模清穗久美子、久保杏奈、田代麻衣助陣，樂隊Mr.及歌手吳雨霏亦會撐場。

Anjaylia、Evelyn及盧頌之對能參與盛事既開心又緊張，日前結伴往試戰衣，談到會與舊愛、Mr.成員Tom同場，Evelyn強調仍是朋友︰「我哋係朋友，而且為工作唔會尷尬。」但她坦言未必會於後台見面︰「當日大家都會好忙，未知有冇機會見，總之我會盡力做好自己。」

DaDa驚仆低

同樣有份行騷的DaDa亦做好準備，率領多位師妹練貓步，一行人邀得名模趙嘉懿傳授行騷技巧，曾參與日本TGC騷的DaDa及Monna獲點名大讚，對此DaDa說︰「雖然之前有經驗，但我比較論盡，驚會仆低，所以有啲擔心。」