龍劍笙謝幕又喊又笑

粵劇名伶龍劍笙（阿刨）與梅雪詩（阿嗲）的《龍情詩意半世紀》前晚完美落幕，完場時大批粉絲高舉燈牌支持，阿刨與阿嗲感謝眾人熱情，五度出場謝幕，阿刨更感動得又喊又笑。其後到酒店舉行慶功宴，雖然連續舉行廿五場，但阿刨與阿嗲未見疲態，問到會否加場？阿刨說：「冇諗過，依家最想休息，見吓屋企人、食多兩餐飯，之後返溫哥華過農曆年！」阿嗲則表示師傅白雪仙因抱恙未有到場，但日前已前來觀賞：「師傅點會滿意o架！咪叫我哋繼續努力，加唔加場就要睇阿刨，我恨做恨到發燒！」

龍劍笙（左）與梅雪詩感激觀眾支持，謝幕時感動到笑淚交融。

演出圓滿結束，龍劍笙（右）與梅雪詩出席慶功宴時當然飲得杯落！