天明趕造人免「生蛇」
藝人洪天明與女友周家蔚昨日於屯門出席《聖誕暖Luv Luv華麗舞會大賽》，雙雙預演婚禮。天明說：「之前唔係老竇（洪金寶）冇期，仲話要等佢，我11月結咗婚啦！依家暫定明年3月前結，本來我想婚後兩年至生BB，不過家蔚肖豬，想賺到豬籠入水，想趕出年4月前有，『生蛇』就唔好啦！我想家蔚婚後唔使做，我養佢！」問到返橫店開工會否戒夜蒲？他說：「小心啲玩啦！」至於家蔚則揚言拒北上監督準老公：「我要留港照顧隻狗，因為佢出咗事，咬甩自己腳趾，連獸醫都解釋唔到！婚後我要繼續做，儲私己錢，唔係我心急生，係天明問我Ready生未！」
周家蔚送抱勁Sweet，不過天明似乎唔多Enjoy喎！
天明與家蔚玩遊戲，與大家分享婚前喜悅。