志雲愛將陳敏之同樣密密吸金，昨日出席商場活動時透露，與男友互送實際禮物：「佢送實用嘅電子產品畀我，我送電話畀佢。我哋都係實際型，有叫佢不如送樓畀我，佢話要畀心機儲吓錢，但我都係講笑啫！」
對於有傳胡杏兒大肚，前晚與她開聖誕派對的敏之說：「冇聽過。（係咪怕小器唔講？）我覺得個報道唔係真，反而係佢叫我快啲生！（佢有冇飲酒？）我哋都冇。」她又指杏兒正值事業衝刺，不會那麼快當媽媽，但卻口快快說：「佢第時有BB，我一定要做奶媽……唔係，係契媽！」
「索腿天后」陳敏之出席活動時收起長腿，幸未減吸引力。
