愛將寧進搭路新盤助北上發展
身為志雲好友兼陪睇樓的寧進，承認特意介紹該樓盤以配合志雲稍後往內地發展的計劃：「我都係畀啲投資意見佢啫！聽講佢幫內地公司拍嘢，個盤喺西九，又可以連接內地嘅高鐵，加埋其他配套，真係好啱佢。」他透露平日與志雲有交換投資心得，對方亦甚留意樓市發展：「佢一向有睇個樓市，大家都好贊成投資磚頭，加上佢冇咁多時間睇住啲投資項目，所以買樓係最穩陣嘅投資。」
談到轉行於地產界發展，寧進表示得到志雲的支持：「正如佢離開無綫出去發展，作為好朋友當然支持，因為佢可以做自己想做嘅嘢。我轉做地產，佢咁支持，所以我都希望做好，畀啲成績佢睇。」