黃家諾前緋聞女友、混血模特兒Marina V.聖誕要開工，她說：「有好多工作，唔得閒返家鄉探父母，真係好掛住佢哋，我諗農曆新年都未必返到去。」問到有否男友陪度佳節，Marina即語塞未有回答，曾公開指黃家諾是Playboy的她，被問到二人的「現況」時，她即口殊一聲表示封嘴，問會否再覓新歡，她笑說：「唔可以咁快就換到男朋友，依家會專注工作。（鍾意咩類型？）靚仔、互相信任，仲要令我笑。」她又談及最難忘家鄉的聖誕節：「我來自俄羅斯，嗰度落雪又有聖誕樹，好懷念！」
化身聖誕辣妹的Marina V.，唔心急覓新男友。
