鬥刷牙Sweet爆

好真嘅人會好舒服，每個人唔同階段都應該要搵屬於自己嘅童真，我就喺個女嘅說話度搵到，同佢食飯又會搵番我嘅童真。好似早幾日，我去咗內地唔同省份工作走嚟走去，但都趕時間做晒啲嘢，禮拜六飛深圳再返港見一見個女，同佢食飯、傾吓偈都好開心，有個女之後，真係愈嚟愈開心。

係要多啲Family Gathering，禮拜六、日放假一定係Family Day，畀到自己一種家庭開心，搵番細個嘅感覺，原本細個嘅感覺只係喺幻想中搵番，但依家喺個女身上，聽佢一句說話，呢個時候我得到咩呢？你估都估唔到，係內心微笑，好甜好Sweet。試過要出外工作，佢會攬住唔畀我走，仲會問：「點解要出去？Come back tonight！（點樣返？）坐飛機。（咁夜冇飛機？）一定要今晚！」哈哈，有時我又會同佢鬥刷牙，好開心o架，我好鍾意。

養老婆仔女係應該嘅，佢哋想買乜就買！唔驚縱壞個女，仲買咗個五千幾呎嘅倉畀佢擺嘢，但會解釋畀佢聽，適當先買。（明日待續）