世榮閃婚請飲 家強Paul懵閉閉

現年48歲的Beyond鼓手葉世榮昨日突然爆出閃婚消息,將於後日(27日)於北京與內地圈外女友擺喜酒!婚訊令人嘩然,更爆的是他只通知內地好友,相反好兄弟黃家強及黃貫中都被蒙在鼓裏,難怪家強詐型:「結婚都唔單聲,好怪!」

本港Band壇元祖Beyond兄弟情有變?葉世榮結婚,竟連兄弟黃家強及黃貫中(Paul)都不通知!Beyond三子近年分開發展,少有碰頭,有「亞洲鼓王」之稱的世榮近年主攻內地市場,並於04年成立製作及經理人公司,積極培養內地有潛質的歌手。自02年女友意外去世後,世榮就鮮有戀聞,至去年曾在北京被影到有新女友!

近日,網上不時傳出世榮婚訊,有新加坡網民爆料指在婚紗店見到世榮與老婆影婚紗相,為以正視聽,世榮經理人公司昨日才在微博發聲明表示,世榮的婚禮時間為本月27日,但未有提及新娘身份及婚禮地點,據知,一對新人之前已註冊結婚,新娘乃內地圈外人,只欠於北京補辦喜酒。雖然後日「做老襯」,但身在濟南的世榮仍工作,昨日跟台灣樂隊信樂團出席活動。

家強愕然:自己好核突

閃婚消息來得突然,除了有粉絲在微博表示難以置信外,竟連家強及阿Paul都未被通知!家強昨日接受電話訪問時大感愕然:「我覺得自己好核突,世榮有冇搞錯呀!結婚都唔單聲,好怪!畀外界、傳媒知都唔通知我哋!」他坦言未見過新娘,只知世榮跟前度女友已分了手一段日子,對上一次見世榮已是今年6月(家駒生忌):「依家惟有等佢補請飲啦!」而家強的日籍太太預產期為明年3月,因此不忘催兄弟快點「造人」:「希望世榮開心,快啲生小朋友,都希望阿Paul早啲結婚,快啲生BB陪我啲小朋友玩!」

「可能唔想咁多人知」

至於阿Paul亦坦言已有多月冇見世榮,他接受電話訪問時說:「佢成日唔喺香港,唔知佢拍拖,祝佢哋白頭到老!」對於結婚唔通知,他仍為兄弟解畫:「佢個人好文靜、內斂,可能唔想咁多人知,同埋唔喺香港擺酒,所以先冇通知我哋!」他又否認友情轉淡,少見並不代表不再是朋友,問到是否世榮女友有「餡」才結婚?他說:「唔好問我,咁敏感!(同朱茵幾時結婚?)遲啲先,未有計劃!(好似世榮咁發聲明?)考慮吓啦!」

第一手消息請下載on.cc東方互動iPhone / iPad / Android Apps

專案組

家強(左起)、世榮及阿Paul相識多載,竟連結婚都「唔單聲」,確實說不過! (資料圖片)

世榮經理人公司發聲明,證實世榮婚訊。

Beyond三子各有生活,家強一家三口明年再添新成員。