被屈隆唇Lana Del Rey想自殺

將於下月推出首張個人大碟的美國唱作女歌手Lana Del Rey，受訪時談到網上走紅後，如何面對各種抨擊，包括整容指控！

25歲的Lana，原名Elizabeth Grant，藝名是結合已故荷里活女星Lana Turner與福特汽車Del Rey型號，形象亦相應地走懷舊風。Lana憑首張單曲《Video Games》的自製MV在網上走紅，卻被網友質疑是否請槍。問到是否一手一腳剪輯片段？她說：「我自己喺網上搵各種片段然後剪輯，冇假手於人！我早前花咗幾個星期託版權專家聯絡影片持有人，獲得批准使用。如果我有更多資金，或者就唔會咁樣製作MV！」

窮到冇錢買泡芙

對於被指曾隆唇，Lana澄清：「我冇整過容，所有認識我嘅人都知道！我喺流動汽車屋住咗幾年，連買朱古力泡芙嘅錢都冇，點做手術？我唱歌時個嘴就係咁嘟！」面對各種抨擊，她未能瀟灑到可以完全不理：「我覺得想要殺死自己，太辛苦！我唔係想成名，我只係想唱歌。音樂對我嚟講其實係次要，我寧願回歸平凡，我一直係個好文靜嘅人，當我見到好多關於自己嘅傳聞時好難受。」

Lana將於下月推出新碟《Born to Die》，沒有很大壓力，但感到緊張：「未試過有咁多人聽我嘅音樂，當長期喺呢個狀態，就唔會有壓力。」