子丹印度黑面神玩殘君如
甄子丹在賀歲片中要塗黑面、變身印度人載歌載舞，盡顯搞笑天分，但拍檔吳君如則呻笨，大嘆跳到虛脫。
武打巨星甄子丹除了功夫了得，搞笑亦是其強項。他在黃百鳴的賀歲片《八星抱喜》中，一場以印度人造型勁歌熱舞的戲份，盡情發揮其搞笑天分，他指事前已與吳君如秘密練習：「我唔單止要塗黑塊面，仲要着高踭鞋載歌載舞。我着晒成套戲服時見到自己都嚇咗一跳，出嚟嘅效果幾可亂真，再加埋現場音樂，真係好似喺印度咁。」他希望觀眾在銀幕上見識他的功夫外，亦欣賞他搞笑一面：「票房好會證明我嘅付出係有回報，希望觀眾可以感受到我嘅誠意。」
攞苦嚟辛
不過拍檔吳君如則呻笨：「應承子丹做過氣歌手覺得自己好傻，以前拍賀歲片好舒服，點知今次就要拍幾個MV，又要唱歌、跳舞，子丹本身有做開運動就梗係冇問題，拍嗰時我見佢跳得咁落力，我都惟有頂硬上，點知拍咗成日差啲虛脫咁滯，真係自己搵自己笨。」
子丹與君如大鬥舞技，觀眾有眼福了。
子丹不僅功夫一流，舞技亦不俗。
子丹與君如邊跳舞邊搞笑，相當有默契。