Amanda整餅 幻想白色聖誕

名模Amanda S.今年聖誕終能實現夢想，開設自家蛋糕餅店，為慶祝佳節，Amanda特別設計精緻的雪人、鹿車及星星等造型的蛋糕及西餅！她表示為了應節餅費煞思量，因為構思、搜尋材料到製作過程，每個步驟都不能出錯，又說：「我細個喺法國過白色聖誕，大個去瑞士滑雪都有白色聖誕，不過香港就唔會落雪，所以特別做雪人餅，等香港人可以幻想白色聖誕！」

下月21日便31歲生日的Amanda希望餅店生意蒸蒸日上之餘，亦希望有更多時間休息：「每日瞓得幾個鐘，身體就快負荷唔到，雖然好忙，但都忙得好開心！」

Amanda的聖誕禮餅包裝別出心裁。