Monna恐過度僭建墮胸

「爆E超蓮」鍾采羲（Iris）及「混血E神」林宜芝（Monna），昨日以谷胸Cosplay打扮出席活動，二人表示不會隆胸，免得下垂，而早前整容加上小酒窩的Iris，討厭別人指她「換面」。

以性感Cosplay造型出席《亞洲遊戲展》的Iris及Monna即場派海報給粉絲，問到會否擔心遇鹹豬手？Iris表示不怕，因已做足安全措施，而且有很多工作人員保護她們，不過Monna則說：「有啲驚！（怕唔怕佢哋針對你哋重要部位影？）唔怕，習慣咗，都睇過以前佢哋影啲相。」Iris更大方地說：「點影都冇所謂，最緊要做到代言效果。」

撐莊思敏唔刻薄

二人穿的緊身裝令事業線盡現，Iris坦言前後都綁得很緊，不過穿了幾次已習慣。問到o靚模何佩瑜（Jeana）公開承認隆胸，二人會否一試？Monna說：「冇需要，再隆會駝背，有地心吸力個胸會墮。」問到整容添酒窩後，會否整其他部位？Iris說：「好多地方都唔滿意，但我接受唔到畀人話『換面』，要整出道之前整咗啦！接受唔到人指指點點，會唔開心。」

另外，提到莊思敏早前與她們同場出席活動時，指像置身阿凡達世界，她們說：「未必係講人樣，嗰日我哋啲衫同化妝有啲特別，應該唔係刻薄嘅意思。」