莊思敏甘做吳浩康繳費靈

莊思敏與吳浩康雖已分手，但原來仍為他交手提電話及上網費用，更承認曾借錢給他！問到對方有否還錢？她有口難言：「你哋問佢。」

莊思敏雖然與前男友吳浩康（Deep）畫上句號，但有指她仍為對方交屋租。莊思敏昨日與石詠莉及江美儀等出席戶外活動，問到是否仍「幫補」舊愛？她說：「唔係屋租，係手提電話費同上網費。（點解唔Cut咗佢？）因為佢冇信用卡，所以用我名下，加上合約期內唔可以轉名，會問佢收番。（有畀番你？）佢話遲啲。」

力撐冇財困

問到會否擔心對方開口借錢？莊思敏說：「應該唔會！之前啲數未清。（借過錢畀佢？）幾多錢就唔講喇！（還過錢畀你？）你哋問佢啦！（介意畀人話『貼錢』？）呢啲叫幫忙。（一蚊都冇還？）需要時間，佢啱啱先轉做保險，係有過渡期，但冇聽佢講有問題。」至於今個聖誕如何慶祝？莊思敏指平安夜會陪家人，正日則到朋友家慶祝，問到林忠豪有否約會？她說：「嘩！Off啦！要Close File。」

同場的石詠莉自爆聖誕會與圈外男友遊迪士尼慶祝：「希望大家唔好跟我，留啲空間畀我哋。」她還公開激讚男友：「佢好細心，咁耐以嚟，屋企人最鍾意呢個男朋友。」