娥姐心淡約滿唔玩

商天娥開工黑面被封為「黑天娥」，又因遲到辣慶同劇的張兆輝，報道曝光後昨日「冤家」碰面拍外景，娥姐當場認錯，承諾以後準時入廠。

於處境劇《結．分@謊情式》中飾演夫妻的娥姐和輝仔，因遲到事件鬧不和，要監製關永忠擺平，昨日二人到灣仔拍外景時，應記者要求大方合照。問到遲到一事，娥姐說：「大家有誤會，當日我係食飯時間去咗餐廳攞台慶贏嘅支票，再同編審傾劇本，後來助理編導打畀我都即刻落去，點知等攞咖啡遲咗半個鐘，監製問邊個失蹤，我都話係我。」

娥姐自爆每天拍廿四場戲都冇人讚，但小誤會卻弄致滿城風雨：「之前每朝車我老公返工，可能遲少少，但我唔會再車佢，以後一分鐘都唔遲！（老公嬲？）佢都叫我唔好做，問我係咪做得好得滯有人妒忌！我之後唔會再續約無綫。（心淡？）我攰！咪同老公周圍去吓旅行囉！（改率直性格？）唔會！我有乜都唔會擺喺心。」

堅稱合作得好好

問到跟娥姐是否不和？輝仔說：「大家合作得好好。（嬲佢遲到？）我試過拍廠景等咗好耐，9月我提出過意見，但應該係監製話事。」另外，同場的湯盈盈被問到有傳錢嘉樂在吉隆坡偷嗒索女後，在機場向她認錯？她否認：「當日我哋去機場接媽咪同婆婆機。」