譚耀文升價二千萬
譚耀文（阿譚）早前獲無綫力邀回巢，與黎耀祥及米雪等合作新劇《大太監》。據知，他不甘無綫將焦點全放在視帝祥仔身上，令他恍如陪襯，故寧願推劇專心攻內地巿場。其後，阿譚迅即接拍內地相同劇種的《后宮》，搖身成為第一男主角，與安以軒及楊怡合作，近日新劇搶閘推出，搶頭啖湯之餘贏盡口碑！劇中由阿譚飾演的太監獲讚夠創新，人氣迅即急升，更有製作公司出價二千萬包薪兩年邀加盟。
阿譚承認新劇出街後有不少人斟新工作，無論演戲還是商場騷均急增，問到是否接受二千萬包薪，他說：「有好多公司傾緊但未決定。（不滿做陪襯推《大》劇？）其實推無綫劇都好驚！雖然角色都好好，但《后宮》發揮多啲。」
譚耀文憑與楊怡合作的《后宮》上位，人氣與身價齊齊急升。