Alice B.黐富二代返豪宅談心
回復單身的女模Alice B.不乏追求者，連日來被拍得跟不同異性約會！先有眼鏡男陪搭渡輪，但兩人行到離行離列，搭完船更各自返家，看來未能得到她的歡心。幾日後，Alice再次出動，改與外籍男約會歎下午茶，但駕駛Benz、家住半山豪宅的富二代Joseph突然出現會合二人行街，最後她登上其座駕並前往男方家談心，明顯Joseph才是真命天子。
事後，Alice接受電話訪問時只表示Joseph是好朋友，但讚對方是好男仔，更承認想過發展：「我哋有當面傾過拍唔拍拖，但覺得保持住友情會好啲。（怕冇咗個朋友﹖）係呀！如果發展為情侶，就要冒友情被影響嘅風險。」
Alice B.與富二代Joseph（右）行街，外籍友人做電燈膽。
Alice B.與眼鏡男陪搭渡輪，但最後冇晒下文。
雖然多人追，但Alice B.仍抽空「掃街」。