吳鎮宇斟上雲霄
早前杏兒攞視后時，幫口叫舊拍檔吳鎮宇返無綫拍攝《衝上雲霄2》，有傳鎮宇將以客串形式効力，但他昨日出席首映時說：「我冇試過客串，亦唔想破例。」他識做地以「母校」形容無綫：「我同佢傾緊簽一世長約，依家母校手緊，我哋呢啲畢業學員咪嘗試捐助囉！但唔會收咁貴！」暗示接拍成數頗高！鎮宇表示向來覺得拍續集壓力大，但今次卻例外：「套劇年齡層好廣，我之前亮相頒獎禮，囝囝都指住個電視呀！（幫無綫救亡？）又唔好咁講，每次有事，佢哋都可以安然度過。」
同場的謝天華被問及新片被指缺乏宣傳一事，他說：「因為好多演員都有工作在身，度唔到期。」他承諾若票房不俗便食飯慶功。
吳鎮宇（左）輕輕一Chok便搶晒天華鏡，勁！