Aimee頭痕送禮畀陳豪
無綫小生陳豪、黃德斌、已離巢的林保怡及邵美琪，昨晚宣傳新劇《天與地》，並宣布成立由三子組成的「Sober Band」，保怡笑說：「隊Band應該叫『掃帚Band』！」談到新劇收視低迷，三子寄望結局篇能「起死回生」，陳豪說：「的士司機都同我講話好好睇，真係大平反！」而保怡寸爆說：「套劇擺咗兩年大可以唔播，吹咩？但公司都播就要多謝！」而監製戚其義對於被指拖低其他節目收視，他說：「吓？掉番轉嚟講！」
此外，陳茵媺（Aimee）出席另一活動時自爆，未買聖誕禮物給男友陳豪：「要搵啲啱佢用嘅！（搵個老婆咪啱用囉！）哈哈！唔使啦！」並指弟弟將由加拿大來港過節。
陳豪手持結他Chok晒樣，Aimee可以考慮送結他噃！
陳豪